Van de Beek: Ekkert slæmt um United að segja

„Girona er fallegt félag þar sem spilaður er góður fótbolta, ég held að ég geti hjálpa og er að leggja hart á mig til að gera það," sagði Hollendingurinn við ESPN

Meiðsli settu strik í reikninginn hjá Van de Beek og fór hann á láni til Everton og Frankfurt frá United. Hann fékk svo ekki mikið að spila þegar hann var heill og í leikmannahópnum á Old Trafford.

„Það er í fortíðinni, en ekki eitt slæmt orð um það félag. Auðvitað spilaði ég ekki mikið, en ég lærði mikið. Ég var með góða leikmenn í kringum mig og gott fólk hjá félaginu. Ég mun taka þetta með mér áfram í framtíðina," sagði sá hollenski.

Hann er 27 ára og er strax farinn að láta að sér kveða á Spáni, þó að hann hafi reyndar einungis komið við sögu í einum af fyrstu fjórum leikjum Girona til þess á tímabilinu. Hjá United skoraði hann tvö mörk og lagði upp tvö í 62 leikjum eftir að hafa komið að 75 mörkum í 175 leikjum með Ajax.