Krueger er 59 ára gamall og hefði samningur hans við félagið runnið út í sumar. Hann er búinn að láta af störfum og mun því ekki klára tímabilið.

Krueger, sem er fyrrverandi atvinnumaður í íshokkí, sinnti starfi sínu vel og eru eigendur Southampton sérstaklega hrifnir af honum.

„Ralph lagði stoðirnar að Southampton félaginu sem við þekkjum í dag. Ég og fjölskylda mín munum ávalt vera þakklát Ralph fyrir allt sem hann hefur gert fyrir þetta félag," sagði Katharina Liebherr, minnihlutaeigandi í Southampton. Gao Jisheng, meirihlutaeigandi, tók í svipaða strengi.

Southampton virtist ætla að falla eftir slæman fyrri hluta tímabils en Ralph Hasenhüttl tók við í desember og tókst að snúa gengi liðsins algjörlega við. Liðið er búið að vinna 8 leiki, gera 5 jafntefli og tapa 7 undir hans stjórn.