Lestu um leikinn: Vestri 3 -  3 ÍBV

„Við erum komnir í góða stöðu í fyrri hálfleik en hleypum þeim aftur á óskiljanlegan hátt inn í þennan leik. Þeir jafna fyrir hálfleik og það eru hlutir sem eiga ekki að geta gerst hjá svona reyndu liði. En það gerðist."

„Síðan komast þeir yfir og við þurftum að sýna karakter og koma til baka, og við gerum það. Það var mikill karakter í liðinu en að sama skapi er maður ekki sáttur við að hleypa þeim inn í leikinn í stöðunni 2-0."

Þessi lið voru tvö bestu varnarlið deildarinnar fyrir leikinn, en þegar í leikinn var komið þá opnuðust flóðgáttirnar. „Bæði lið fá á sig þrjú mörk en þetta var örugglega stórskemmtilegur leikur áhorfenda. Þessi leikur var einn með öllu og það var jákvætt, en það er ekki jákvætt að fá á sig þrjú mörk."

Viðtalið er í heild sinni hér að ofan. ÍBV hefur gert þrjú jafntefli í röð en Helgi segir það ekkert áhyggjuefni.