Xavi Simons er á leið til Chelsea
Viðræður Chelsea um hollensku leikmennina Jorrel Hato og Xavi Simons eru komnar langt á veg og styttist óðum í samkomulag.
Hato er 19 ára gamall varnarmaður sem hefur verið að gera það gott með Ajax undanfarið og er þá fastamaður í hollenska landsliðshópnum.
Samkvæmt Romano hefur Chelsea náð samkomulagi við Hato um kaup og kjör, en nú er unnið að því að ganga frá viðræðum við Ajax.
Xavi Simons, liðsfélagi Hato í hollenska landsliðinu, er einnig að færast nær Chelsea, en samkvæmt Romano eru viðræður Chelsea og Leipzig komnar langt á veg.
Simons, sem er 22 ára gamall, er áfram í viðræðum við Chelsea um samningamál, og miðar þeim áfram.
Áætlað er að Chelsea greiði samanlagt tæpar 80 milljónir punda fyrir leikmennina.
Athugasemdir
