,,Það var mjög sætt að jafna þetta og alltaf gaman að skora, sérstaklega þegar það er svona lítið eftir," sagði Grétar Ólafur Hjartarson leikmaður Keflavíkur sem tryggði liðinu 1-1 jafntefli gegn FH í kvöld en hann var nýlega kominn inn sem varamaður þegar hann skoraði markið.
,,Það er alltaf gaman að skora, þó maður sé varamaður eða byrji inná. Það er alltaf jafn gaman. Þetta var baráttuleikur og smá þreyta í báðum liðum. Það eru tveir dagar síðan við spiluðum og það sást svolítið í leiknum í dag. Svolítið þungur. Ég myndi segja að þetta séu sanngjörn úrslit."
Grétar Ólafur hefur glímt nokkuð við meiðsli undanfarin ár en hvernig er skrokkurinn?
,,Skrokkurinn er þokkalegur, oft verið betri en hann heldur," sagði hann.
Nánar er rætt við Grétar í sjónvarpinu að ofan.
