,,Það hefur yfirleitt verið þannig að söngurinn er númer eitt á veturnar og fótboltinn númer eitt á sumrin. Ég vil sem minnst um það hugsa að þurfa að velja á milli, ég vil gera bæði eins lengi og ég get," sagði Andri við Fótbolti.net í dag.

Eurovision fer fram í Finnlandi í vor og vinni Andri í kvöld mun hann fara þangað eins og fyrr segir. ,,Þetta er bara vika úti þannig að ég æfi með HJK Helsinki eða eitthvað á meðan," sagði Andri í léttum tón þegar hann var spurður hvort að för til Finnlands myndi ekki hafa áhrif á fótboltann.

Andri sem er 23 ára skoraði fjögur mörk í sjö leikjum þegar að Fjarðabyggð sigraði aðra deildina síðastliðið sumar. Hann er þriðji á svið í kvöld en fyrir þá sem vilja kjósa hann má benda á númerið 900 2003.