Argentínski markvörðurinn Emiliano Martínez átti magnaða markvörslu undir lok leiks í 2-1 sigrinum á Ástralíu í 16-liða úrslitum HM í gær en hann sá til þess að liðið færi áfram.
Lionel Messi og Julian Alvarez komu Argentínu í 2-0 áður en ástralska liðið minnkaði muninn með markið frá Craig Goodwin. Boltinn breytti um stefnu eftir að hafa farið af Enzo Fernandez og í hægra hornið.
Argentína gat gert endanlega út um leikinn í uppbótartíma með nokkrum góðum færum en boltinn vildi ekki inn.
Undir lok leiksins fékk ástralska liðið fullkomið tækifæri til að jafna en boltinn kom fyrir markið og á hinn 18 ára gamla Garang Kuol en Martínez gerði sig breiðan og varði skotið áður en leikurinn var flautaður af stuttu síðar.
Vörsluna má sjá hér fyrir neðan.
Svakaleg markvarsla hér á lokasekúndum leiksins, þarna voru Ástralir afar nálægt því að skora pic.twitter.com/hWm8Ztibh8
— RÚV Íþróttir (@ruvithrottir) December 3, 2022
Athugasemdir
