Bjarni Jó var sáttur með sína menn.
Bjarni Jóhannsson, þjálfari ÍBV, var að vonum ánægður með 2-0 sigur sinna manna gegn Stjörnunni í Garðabænum í kvöld.
Bjarni gat yfirgefið sinn gamla heimavöll með bros á vör, en hans menn áttu mjög góðan leik og unnu sanngjarnan sigur.
Bjarni gat yfirgefið sinn gamla heimavöll með bros á vör, en hans menn áttu mjög góðan leik og unnu sanngjarnan sigur.
Lestu um leikinn: Stjarnan 0 - 2 ÍBV
„Ég fer héðan mjög sáttur, þetta var flottur leikur hjá okkur í dag. Við vorum vel stemmdir og mér fannst við vilja þetta meira," sagði Bjarni hress eftir leikinn. Hann viðurkennir að um opinn og skemmtilegan leik hafi verið að ræða.
„Hvenær hef ég stýrt liði þar sem leikirnir eru leiðinlegir?" sagði Bjarni léttur.
„Neinei, að öllu gamni slepptu var þetta fjörugt og mér fannst við mjög ferskir og hreyfanlegir og létum boltann ganga. Við vorum þrælfínir."
Bjarni viðurkennir að það hafi verið blendnar tilfinningar að snúa aftur á Samsung völlinn sem þjálfari annars liðs.
„Hún er auðvitað blendin. Hérna átti ég frábær ár og frábærar minningar, en nú er maður í hinu liðinu," sagði Bjarni.
Viðtalið við Bjarna má sjá hér að ofan.
