Heimild: RÚV
Úr leik ÍBV og Vals í kvöld.
Twana Khalid Ahmed.
Hörður Magnússon sérfræðingur RÚV segir alveg ljóst að ÍBV hafi átt að fá vítaspyrnu í bikarleiknum gegn Val. Hann skilur pirringinn í Eyjamönnum eftir leik.
Þorlákur Árnason þjálfari ÍBV vill meina að dómgæsla Twana Khalid Ahmed hafi hallað á sitt lið og Hörður segir hann hafa ýmislegt til síns máls.
Leikurinn endaði 0-1, Val í hag, en þegar 20 mínútur voru eftir vildu Eyjamenn fá vítaspyrnu þegar boltinn fór í hendina á Bjarna Mark Duffield í teignum.
Þorlákur Árnason þjálfari ÍBV vill meina að dómgæsla Twana Khalid Ahmed hafi hallað á sitt lið og Hörður segir hann hafa ýmislegt til síns máls.
Leikurinn endaði 0-1, Val í hag, en þegar 20 mínútur voru eftir vildu Eyjamenn fá vítaspyrnu þegar boltinn fór í hendina á Bjarna Mark Duffield í teignum.
Lestu um leikinn: ÍBV 0 - 1 Valur
„Eyjamenn eru bara rændir. Það er óskiljanlegt að dómarinn hafi ekki séð þetta eða aðstoðarmenn hans. Bjarni er í miklum vandræðum, er illa staðsettur og notar höndina til að hemja boltann. Mér finnst vanhæfni að hafa ekki séð þetta," segir Hörður í bikarþættinum á RÚV.
„Þessi leikur hefði mögulega farið í framlengingu og mér fannst Eyjaliðið heilt yfir sterkara í leiknum," bætir Hörður við og er sammála því að honum fannst ekki mikið samræmi í ákvörðunum Twana dómara.
Með sigrinum komst Valur í undanúrslit Mjólkurbikarsins en dregið verður rétt á eftir.
Athugasemdir
