Brynjar Björn Gunnarsson þjálfari Leiknis er sáttur við stigið sem hans lið fékk gegn Þrótti í kvöld. Leikurinn endaði með 1-1 jafntefli.
Lestu um leikinn: Þróttur R. 1 - 1 Leiknir R.
„Mér fannst leikurinn frekar jafn í svona 50-60 mínútur, við skoruðum mark og þurftum að leggja aðeins til baka. Við lögðum sóknum Þróttara vel heilt yfir. Þegar þeir skora erum við aðeins út úr stöðum en það er eitthvað sem gerist á 90 mínútum," sagði Brynjar Björn.
Marko Veselinovic var öflugur í vörn Leiknis í dag en hann kom til Breiðhyltinga í vetur eftir að hafa spilað í Búlgari.
„Hann hefur staðið sig fínt, var mjög góður í dag. Hann er stór og sterkur og það er eitthvað sem vantaði. Við erum ekki með mjög líkamlega sterkt lið en hann tikkar í það. Hann er með gott hugarfar, leggur sig fram og vill vera betri. Hann er bara 23 ára."
Brynjar segist sáttur við hugarfarið í liðinu og samheldnina í hópnum en viðtalið má sjá í heild í sjónvarpinu hér að ofan.
