Þjálfari Kristianstad er Elísabet Gunnarsdóttir og með liðinu spila Amanda Andradóttir og Emilía Óskarsdóttir. Kristianstad hafnaði í fjórða sæti sænsku úrvalsdeildarinnar á tímabilinu sem var að klárast.

Hlín ákvað á dögunum að yfirgefa Piteå. Hlín gekk í raðir Piteå frá Val eftir tímabilið 2020 og lék á tveimur tímabilum 39 deildarleiki með liðinu. Í fyrra missti hún talsvert út vegna meiðsla, byrjaði tíu leiki og kom þrisvar sinnum inn á sem varamaður.

Á nýliðnu tímabili blómstraði hún, byrjaði alla 26 leiki liðsins og skoraði ellefu mörk fyrir liðið sem endaði í sjöunda sæti, fjórum sætum ofar en í fyrra. Ellefu skoruð mörk gerði hana að markahæsti leikmanni liðsins.

Hlín er 22 ára gömul og er uppalin í Val. Hún á að baki 22 landsleiki, síðasti keppnisleikur kom árið 2020 gegn Ungverjalandi en hún spilaði svo vináttuleik í fyrra og U23 landsleik í sumar. Hún var í landsliðshópnum fyrir leikina gegn Hollandi og Portúgal í haust.