Arnar Smárason og Sigurður Már Birnisson hafa báðir sagt skilið við Njarðvík. Arnar var aðstoðarþjálfari liðsins, en Sigurður gengdi starfi styrktarþjálfara.
Samkvæmt heimildum Fótbolta.net munu þeir fylgja Gunnari Heiðari Þorvaldssyni, fyrrum þjálfara Njarðvíkur, og ganga til liðs við HK.
Teymið starfaði saman í Njarðvík síðustu þrjú ár en liðið endaði í 2. sæti deildarinnar á tímabilinu og tapaði gegn Keflavík í undanúrslitum umspilsins.
Eins og greint hefur verið frá er Gunnar Heiðar að taka við HK og verður það tilkynnt á næstu dögum. Liðið var þjálfaralaust eftir að Hermann Hreiðarsson tók við Val. HK endaði í 4. sæti Lengjudeildarinnar í sumar og tapaði úrslitaleik umspilsins gegn Keflavík.
Njarðvíkingar eru við það að klára ráðninguna á Davíð Smára Lamude og er búist við að það verði jafnframt tilkynnt á komandi dögum.
