Hermann Hreiðarsson, Marko Pridigar, Sonni Ragnar Nattestad og Þorvaldur Árnason.
Færeyski varnarmaðurinn Sonni Ragnar Nattestad hefur gengið til liðs við Fylki á láni frá FH út tímabilið. Ólafur Geir Magnússon, stjórnarmaður hjá Fylki, staðfesti þetta í samtali við Fótbolta.net í dag.
Sonni Ragnar á 13 landsleiki að baki með Færeyjum en hann kom til FH síðastliðinn vetur. Þessi 22 ára gamli leikmaður hefur hins vegar einungis spilað einn leik með FH í sumar.
Sonni Ragnar á 13 landsleiki að baki með Færeyjum en hann kom til FH síðastliðinn vetur. Þessi 22 ára gamli leikmaður hefur hins vegar einungis spilað einn leik með FH í sumar.
Fylkir hefur einnig fengið markvörðinn Marko Pridigar í sínar raðir en hann kemur frá Slóveníu. Fylkir hafði áður ætlað að fá markvörð frá Senegal en ekkert verður af því.
Hinn 31 árs gamli Marko spilaði í tíu ár með Maribor í heimalandinu þar sem hann spilaði meðal annars í undankeppni í Meistaradeildinni og Evrópudeildinni.
Marko varð einnig fimm sinnum meistari með Maribor. Hann spilaði síðast með Ayia Napa á Kýpur.
Marko á að berjast við Ólaf Íshólm Ólafsson um markvarðarstöðuna hjá Fylki.
Sonni og Marko eiga að styrkja leikmannahóp Fylkis fyrir síðari hluta Pepsi-deilarinnar en liðið er í harðri fallbaráttu.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
