Mikael á 39 landsleiki að baki.
Mikael Neville Anderson er mikilvægur hlekkur í liði Djurgården í sænska boltanum eftir að Svíarnir keyptu hann úr röðum AGF í Danmörku í fyrra.
Mikael var lykilmaður í liði AGF en ákvað að skipta yfir til Svíþjóðar og átti flott fyrsta tímabil með Djurgården þar til meiðsli settu strik í reikninginn.
Eftir brottför Mikaels frá AGF tókst hans fyrrum liðsfélögum að vinna dönsku deildina í fyrsta sinn í 40 ár. Mikael er sagður vera í viðræðum við þrjú dönsk félög eftir eitt ár í Svíþjóð og var spurður hvort það sé mögulegt að hann snúi aftur til Árósa.
„AGF á sérstakan stað í hjartanu mínu en það er margt sem þarf að gerast til að ég fari aftur þangað. Þegar ég sný aftur í danska boltann þá verður AGF einn af mögulegum áfangastöðum, þetta er félag sem skiptir mig miklu máli," sagði Mikael meðal annars í viðtali við Viaplay.
Mikael er 27 ára gamall og samningsbundinn til 2029.
01.06.2026 17:30
Segja Mikael í viðræðum við þrjú dönsk félög
