Það var mikill pirringur í Leedsurum eftir 1-0 tap liðsins gegn Man City í gær. Antoine Semenyo skoraði eina mark leiksins en hann hefur komið að átta mörkum síðan hann gekk til liðs við félagið frá Bournemouth í janúar.
Daniel Farke, stjóri Leeds, var ekki sáttur í leikslok og fékk rautt spjald fyrir mótmæli en hann taldi Leeds hafa átt að fá víti þegar boltinn virtist hafa í höndina á Matheus Nunes. Þá var hann einnig óánægður með þegar Rayan Cherki steig á Ilian Gruev.
Þá greindi Pep Guardiola frá því að stuðningsmenn Leeds hafi kallað hann fávita.
„Þetta gerist reglulega, fáviti, fáviti, svona er þetta," sagði Guardiola og hló.
Athugasemdir
