Barcola skoraði áttunda deildarmarkið í sigrinum á Le Havre
Franski landsliðsmaðurinn Bradley Barcola kom Paris Saint-Germain í fjögurra stiga forystu á toppnum með 1-0 sigri liðsins á Le Havre á útivelli í kvöld.
Barcola skoraði markið á 37. mínútu eftir frábæra fyrirgjöf Lee Kang-In.
Frakkinn stangaði boltann í netið sem var hans áttunda í deildinni á þessari leiktíð.
PSG er á toppnum með 57 stig, fjórum meira en Lens, sem virðist vera eina liðið sem ætlar að veita Evrópu, bikar og deildarmeisturunum samkeppni í ár.
Folarin Balogun og Simon Adingra skoruðu mörk Mónakó í 2-0 sigrinum á Angers.
Paul Pogba var ekki með Mónakó en hann er að glíma við meiðsli í kálfavöðva.
Mónakó er í 7. sæti með 37 og í baráttu um að komast í Evrópukeppni á næsta tímabili.
Rennes lagði Toulouse að velli, 1-0. Arnaud Nordin gerði sigurmarkið á 27. mínútu eftir að markvörður Toulouse missti boltann frá sér og á Arnaud sem skoraði.
Rennes er í 5. sæti deildarinnar með 40 stig.
Athugasemdir
