Bakvörðurinn Federico Dimarco skoraði stórbrotið mark með viðstöðulausu skoti á loft eftir laglega sendingu yfir vörnina og þá gulltryggði Hakan Calhanoglu sigurinn með marki úr vítaspyrnu tuttugu mínútum fyrir leikslok.

Inter tókst að auka forystu sína á toppnum í þrettán stig og færist nær Ítalíumeistaratitlinum.

Mikael Egill Ellertsson lék allan leikinn í liði Genoa.

Ítalíumeistarar Napoli unnu dramatískan 2-1 sigur á Hellas Verona.

Rasmus Höjlund skoraði í upphafi leiks áður en JEan-Daniel Akpa Akpro jafnaði metin tæpum hálftíma fyrir leikslok.

Belgíski reynsluboltinn Romelu Lukaku var hetja Napoli með marki undir lok leiks og sá til þess að halda Napoli áfram í baráttu um Meistaradeildarsæti.

Lærisveinar Cesc Fabregas í Como unnu Þóri Jóhann Helgason og félaga í Lecce, 3-1. Gestirnir í Lecce komust óvænt yfir á 13. mínútu, en Como náði að skora öll þrjú mörk sín áður en hálfleikurinn var úti.

Anastasios Douvikas, Jesus Rodriguez og Marc-Oliver Kempf skoruðu mörkin á tæpum hálftíma. Þórir Jóhann var á bekknum hjá Lecce en kom ekki við sögu.

Como er í 5. sæti með 48 stig, tveimur stigum frá Meistaradeildarsæti.

Úrslit og markaskorarar:

Verona 1 - 2 Napoli
0-1 Rasmus Hojlund ('2 )
1-1 Jean-Daniel Akpa Akpro ('65 )
1-2 Romelu Lukaku ('90 )

Como 3 - 1 Lecce
0-1 Lassana Coulibaly ('13 )
1-1 Anastasios Douvikas ('18 )
2-1 Jesus Rodriguez ('35 )
3-1 Marc-Oliver Kempf ('44 )

Inter 2 - 0 Genoa
1-0 Federico Dimarco ('31 )
2-0 Hakan Calhanoglu ('70 , víti)

Smelltu hér til að kaupa áskrift að Livey