Bukayo Saka var heppinn að fá ekki á sig víti
Englandsmeistarar Arsenal leiða gegn PSG, 1-0, í úrslitaleik Meistaradeildar Evrópu þegar flautað hefur verið til loka fyrri hálfleiks, en átti PSG að fá vítaspyrnu nokkrum mínútum eftir mark Kai Havertz?
Havertz skoraði á 6. mínútu leiksins er Marquinhos hreinsaði boltanum í Leandro Trossard og til Havertz sem keyrði upp vinstri vænginn og inn í teiginn áður en hann hamraði boltanum í þaknetið.
Átta mínútum síðar gerðu leikmenn PSG tilkall til að fá vítaspyrnu er Bukayo Saka handlék boltann í tvígang í teignum.
Saka reyndi að hreinsa boltann úr miðjum teignum, en hitti ekki boltann sem fór síðan í handakrikann á honum og þaðan í höndina á honum.
„Já boltinn fer klárlega í hægri höndina á honum og líklega í vinstri höndina líka,“ sagði Ally McCoist í lýsingunni á TNT Sports.
Voðalega klaufalegt allt saman hjá Saka, en ekkert var dæmt og áfram með smjörið. Hægt er að sjá atvikið hér fyrir neðan.
Sjáðu atvikið hér
