Í hádeginu í dag var opinberuð spá fyrir Lengjudeild kvenna. Þjálfarar, fyrirliðar og forráðamenn félaga deildarinnar sáu um að spá en deildin fer af stað á fimmtudaginn.

FH hafnaði í þriðja sæti Lengjudeildarinnar í fyrra en er spáð sigri að þessu sinni. Víkingur sem endaði í fjórða sæti á síðasta tímabili er spáð öðru sæti og þar með upp í Bestu-deildina.

Tindastóll og Fylkir féllu úr efstu deild í fyrra og er spáð þriðja og fimmta sæti að þessu sinni.