Danny Ings mættur aftur - Leit vel út á æfingu

„Á fimmtudaginn tók hann sína fyrstu æfingu með liðinu í langan tíma. Hann leit vel út," segir Ralph Hasenhuttl, stjóri Southampton.

„Við þurfum að sjá hvernig líkaminn bregst við þessum æfingum svo getum við sagt meira."

Bednarek búinn að framlengja
Í vikunni skrifaði pólski varnarmaðurinn Jan Bednarek undir nýjan fjögurra og hálfs árs samning við Southampton. Hasenhuttl er hæstánægður með að þessi 24 ára miðvörður hafi framlengt.

„Hann er með opinn huga og móttækilegur fyrir því að læra nýja hluti. Hann hefur verið mikilvægur síðan hann kom hingað fyrst. Hann er að bæta sig og þrátt fyrir að vera ungur þá er hann góð fyrirmynd," segir Hasenhuttl.

Southampton er sem stendur í sjötta sæti ensku úrvalsdeildarinnar.