Hægri bakvörðurinn Dani Carvajal var að bætast á listann en hann varð fyrir vöðameiðslum í leik gegn Granada núna um helgina.

Carvajal þurfti að fara af velli í hálfleik í 2-0 sigrinum gegn Granada og inn í hans stað kom Lucas Vazquez, sem er að upplagi kantmaður.

Samkvæmt ESPN þá verður Carvajal frá í að minnsta kosti mánuð.

Það eru núna átta leikmenn á meiðslalistanum hjá Madrídarstórveldinu en ásamt Carvajal eru til að mynda Thibaut Courtois, Luka Modric, Vinicius og Eder Militao. Það er spurning hvort öll þessi meiðsli munu hafa áhrif á liðið í toppbaráttunni.