Óli Valur Ómarsson átti frábæran leik
Breiðablik 3 - 1 Shamrock Rovers
0-1 Graham Burke ('32 )
1-1 Viktor Örn Margeirsson ('35 )
2-1 Óli Valur Ómarsson ('74 )
3-1 Kristinn Jónsson ('92 )
Lestu um leikinn
0-1 Graham Burke ('32 )
1-1 Viktor Örn Margeirsson ('35 )
2-1 Óli Valur Ómarsson ('74 )
3-1 Kristinn Jónsson ('92 )
Lestu um leikinn
Breiðablik vann sinn fyrsta sigur í deildarkeppni í Sambandsdeildinni í kvöld þegar liðið vann Shamrock Rovers á Laugardalsvelli í kvöld.
Það var jafnræði með liðunum í fyrri hálfleik en gestirnir náðu forystunni eftir rúmlega hálftíma leik. Rory Gaffney fékk flugbraut upp kantinn og sendi boltann á Matthew Healy sem fann Graham Burke og hann skoraði.
Aðeins þremur mínútum síðar náðu Blikar að jafna metin. Óli Valur Ómarsson átti fyrirgjöf, markvörður Shamrock greip í tómt og boltinn komst á Viktor Örn Margeirsson á fjærstönginni og hann skoraði.
Burke var nálægt því að skora sjálfsmark snemma í seinni hálfleik en hann skallaði rétt framhjá.
Þegar stundafjórðungur var til loka venjulegs leiktíma skoraði Óli Valur laglegt mark og kom Blikum yfir. Hann gerði mjög vel í að koma sér framhjá varnarmanni og skaut með vinstri fæti í fjærhornið og boltinn söng í netinu.
Shamrock sótti hart að marki Breiðabliks undir lok leiksins. Edward McGinty, markvörður Shamrock, fór inn á teig Breiðabliks í hornspyrnu þegar þrjár mínútur voru eftir af uppbótatímanum.
Kristinn Jónsson náði boltanum og skaut frá miðju á opið markið, boltinn rúllaði hægt og rólega en endaði í netinu og Kristinn innsiglaði þar með frábæran sigur Breiðabliks.
Þessi sigur þýðir að Breiðablik heldur í vonina um að komast áfram en liðið heimsækir Strasbourg í Frakklandi í lokaumferðinni. Strasbourg hefur ekki tapað leik í keppninni.
Sambandsdeildin
| Lið | L | U | J | T | Mörk | mun | Stig |
|---|
Athugasemdir
