Það er þétt dagskrá í Evrópu þennan fimmtudaginn og fjölmargir íslenskir leikmenn verða í eldlínunni í leikjum sem hefjast klukkan 17:45.
Landsliðsmarkvörðurinn Elías Rafn Ólafsson og hans menn í Midtjylland mæta Genk og byrjar Elías á sínum stað á milli stanga Midtjylland.
Hákon Haraldsson er í byrjunarliði Lille sem eru mættir til Sviss og mæta þar Young Boys. Lille er í ellefta sæti Evrópudeildarinnar með níu stig.
Kolbeinn Birgir Finsson er á varamannabekk Utrecht sem fær Nottingham Forrest í heimsókn.
Í Sambandsdeildinni er Albert Guðmundsson á varamannabekk Fiorentina sem mæta mætir Dynamo Kiev.
Logi Tómasson er á sínum stað í vinstri bakverði hjá Samsunspor sem mætir AEK Aþenu. Þá er Gummi Tóta jafnframt í vinstri bakvarðarstöðunni hjá FC Noah sem mætir Legia Varsjá.
Þá verður íslenskt dómarateymi að störfum í Skopje í Norður Makedóníu þar sem KF Shkendija tekur á móti Slovan Bratislava. Ívar Orri Kristjánsson er þar fremstur í flokki og dæmir leikinn .
Athugasemdir
