Breiðablik vann sinn fyrsta leik í Sambandsdeildinni í kvöld þegar þeir unnu írska liðið Shamrock Rovers 3-1 á Laugardalsvelli.
Aðspurður um fyrstu viðbrögð eftir sigurleikinn svaraði Andri Rafn Yeoman leikjahæsti leikmaður í sögu Breiðabliks,
„Bara hrikalega góð tilfinning. Búnir að bíða lengi eftir að ná sigri hérna í deildarkeppninni á þessu stigi, þannig það er bara ákveðinn léttir en líka bara náttúrlega mikil gleði fyrst og fremst."
Lestu um leikinn: Breiðablik 3 - 1 Shamrock Rovers
„Já kannski ekki fallegasti fótboltaleikur í heimi eða einhver svona leikur sem við spilum vanalega en við gerðum bara nokkuð vel. Finnst við byrja sterkt og fundu lausnir, Fannst þeir bregðast hratt við því og svona lokuðu á það sem við ætluðum að gera."
„Aðstæður nokkuð erfiðar, svona íslenskt veður og vindur einhvern veginn á annari hliðinni á vellinum og mér fannst við bara gera vel, þroskuð frammistaða hjá okkur. Í staðinn fyrir að vera að reyna eitthvað sem var ekki að ganga þá vorum við fljótir að átta okkur á hvernig leikur þetta væri og spiluðum bara þannig og unnum."
„Oft verið með kannski barnalegri nálgun á leikina og það hefur spilast gegn okkur þannig að þetta var svona nokkuð þroskuð frammtistaða heilt yfir en klárlega margt sem er hægt að gera betur."
Það var stemming í stúkunni þrátt fyrir ekta íslenskt skítaveður finna leikmennirnir það inn á vellinum?
„Já, já það er alltaf miklu skemmtilegra þegar það er fólk og læti í stúkunni. Svo náttúrlega skemmir ekki fyrir þegar bæði liðin eru svona fallega hvít og græn þannig að maður gerir varla greinarmun hvort þeir séu írskir áhorfendur eða íslenskir. Bara geggjað að sjá að fólk kíkir á völlinn í jólaörtröðinni og styður við okkur. Það er bara frábært."
Breiðabliksliðið fer fullt sjálfstraust út til Frakklands þar sem næsta verkefni verður lið Strasbourgar hverju megum við búast við þar?
„Það verður skemmtilegt verkefni að fara spila á móti svona risa liði á evrópskum mælikvarða. Við setjum saman eitthvað leikplan í þeim leik og ætlum bara að ná í úrslit sem setur okkur þá í stöðu að við getum mögulega haldið áfram í þessari keppni."
Viðtalið í heild má sjá í spilaranum hér að ofan
