Enski miðjumaðurinn Jobe Bellingham, hefur fylgt í fótspor eldri bróður síns, Jude, með því að ganga í raðir Borussia Dortmund. Dortmund kaupir Jobe frá Sunderland en einungis nokkur ár eru frá því að Dortmund keypti Jude frá Birmingham og varð hann að stórstjörnu hjá þýska félaginu.
Dortmund greiðir 27,8 milljónir punda fyrir Jobe og getur sú upphæð hækkað upp í 32 milljónir punda sem gerir hann að metsölu fyrir Sunderland.
Dortmund greiðir 27,8 milljónir punda fyrir Jobe og getur sú upphæð hækkað upp í 32 milljónir punda sem gerir hann að metsölu fyrir Sunderland.
Miðjumaðurinn skrifar undir fimm ára samning og mun hann spila í treyju númer 77 á HM félagsliða í sumar.
Ef bæði Real Madrid og Dortmund vinna sína riðla á HM og vinna leiki sína í 16-liða úrslitum, þá munu þau mætast í 8-liða úrslitunum. Jude var keyptur til Real Madrid frá Dortmund sumarið 2023.
Jobe verður tvítugur í september. Hann er enskur U21 landsliðsmaður sem kom til Sunderland frá Birmingham árið 2023.
The name is Jobe. pic.twitter.com/tJEdQZZMCr
— Borussia Dortmund (@BVB) June 10, 2025
Athugasemdir
