Kolbeinn Þórðarson hefur verið frábær í liði Lommel
Kolbeinn Þórðarson lagði upp eina mark Lommel í kvöld er liðið lagði Deinze, 1-0, í belgísku B-deildinni. Þetta var fjórði sigur Lommel í röð.
Íslenski U21 árs landsliðsmaðurinn hefur verið á miklu flugi með Lommel og reynst dýrmætur í sóknarleiknum en hann átti stóran þátt í sigri liðsins í kvöld.
Hann lagði upp sigurmarkið á 88. mínútu leiksins og tryggði þannig fjórða sigurinn í röð. Kolbeinn lék allan leikinn.
Lommel er á góðri leið með að blanda sér í toppbaráttuna en liðið er nú í 5. sæti með 27 stig, aðeins átta stigum á eftir toppliði Beerschot.
Nökkvi Þeyr Þórisson var í byrjunarliði Beerschot sem vann U23 ára lið St. Liege, 1-0. Nökkvi fór af velli á 84. mínútu leiksins. Beerschot er með 35 stig á toppnum.
Athugasemdir
