Man Utd íhugar að gera 40 milljóna punda tilboð í Delap - Liverpool tilbúið að bjóða Nunez upp í Isak - Tottenham horfir til stjóra Bournemouth
   sun 12. janúar 2025 15:58
Brynjar Ingi Erluson
Ítalía: Bjarki og Mikael töpuðu naumlega fyrir meisturunum
Íslendingalið Venezia tapaði fyrir Ítalíumeisturum Inter, 1-0, í Seríu A í dag.

Landsliðsmaðurinn Mikael Egill Ellertsson byrjaði hjá Venezia í dag og þótti standa sig nokkuð vel á meðan Bjarki Steinn Bjarkason kom inn af bekknum þegar tuttugu mínútur voru til leiksloka.

Ítalski varnarmaðurinn Matteo Darmian skoraði eina mark gestanna á 16. mínútu er hann hirti frákast í teignum. Lautaro Martínez átti skot sem Filip Stankovic varði til hægri á Darmian sem var ekki í neinum vandræðum með að skora.

Inter fer upp í annað sæti deildarinnar með sigrinum og er því nú með 43 stig, stigi á eftir Napoli en Venezia er í næst neðsta sæti með 14 stig.

Danski landsliðsmaðurinn Morten Frendrup skoraði þá sigurmark Genoa í 1-0 sigrinum á Parma. Sigurmarkið gerði hann á 65. mínútu.

Frendrup fékk boltann vinstra megin í teignum og lét vaða, en boltinn hrökk af varnarmanni og hátt upp í loftið áður en hann datt síðan í fjærhorninu.

Genoa er taplaust í síðustu þremur leikjum og er nú í 11. sæti með 23 stig en Parma í 17. sæti með 19 stig.

Genoa 1 - 0 Parma
1-0 Morten Frendrup ('65 )

Venezia 0 - 1 Inter
0-1 Matteo Darmian ('16 )
Stöðutaflan Ítalía Serie A - karlar
  L U J T ms: mf: mun Stig
1 Napoli 25 17 5 3 41 19 +22 56
2 Inter 25 16 6 3 58 24 +34 54
3 Atalanta 25 15 6 4 54 26 +28 51
4 Juventus 25 11 13 1 42 21 +21 46
5 Lazio 25 14 4 7 47 34 +13 46
6 Fiorentina 25 12 6 7 41 27 +14 42
7 Milan 24 11 8 5 36 24 +12 41
8 Bologna 24 10 11 3 38 29 +9 41
9 Roma 25 10 7 8 36 29 +7 37
10 Udinese 25 9 6 10 32 37 -5 33
11 Genoa 25 7 9 9 24 33 -9 30
12 Torino 25 6 10 9 27 31 -4 28
13 Como 25 6 7 12 30 40 -10 25
14 Cagliari 25 6 7 12 26 39 -13 25
15 Lecce 25 6 7 12 18 41 -23 25
16 Verona 25 7 2 16 26 54 -28 23
17 Empoli 25 4 9 12 22 38 -16 21
18 Parma 25 4 8 13 30 45 -15 20
19 Venezia 25 3 7 15 22 41 -19 16
20 Monza 25 2 8 15 21 39 -18 14
Athugasemdir
banner
banner
banner