Arteta: Það bjóst enginn við því að liðið væri á þessum stað sem það er

Það var þolinmæðisvinna hjá Arsenal í gær þegar það mætti Wolves á útivelli en liðinu tókst að skora tvö mörk í síðari hálfleiknum og klára leikinn. Bæði mörkin gerði Norðmaðurinn Martin Odegaard.

„Það bjóst enginn við því að liðið væri á þessum stað sem það er og að ná að vinna alla þessa leiki sem við höfum unnið," sagði stjórinn Mikel Arteta.

„Ég horfi meira í það hvernig við spilum og hvernig stemningin er og sambandið við stuðningsmennina. Það gerir okkur öfluga."

Síðast þegar Arsenal var á toppnum í ensku úrvalsdeildinni og með meiri forystu en það er með í dag, var í desember árið 2013 en það tímabil hafnaði liðið í fjórða sætinu.

Arteta sagði að liðið hafi horft á leik Brentford og Manchester City en hann var spurður út í það hvernig leikmenn brugðust við sigurmarkinu hjá Ivan Toney.

„Þú getur rétt ýmindað þér það," sagði Spánverjinn og brosti.