Vincenzo Grifo skoraði þrennu á sextán mínútum
Eintracht Frankfurt gerði jafntefli við Mainz
Ítalski vængmaðurinn Vincenzo Grifo skoraði þrennu fyrir Freiburg sem vann Union Berlin, 4-1, í topparáttuslag í þýsku deildinni í dag.
Freiburg og Union hafa óvænt verið í toppbaráttunni í byrjun leiktíðar en þau voru bæði með 27 stig fyrir leikinn í dag.
Heimamenn í Freiburg byrjuðu leikinn með látum. Varnarmaður Union handlék knöttinn í eigin teig og gat dómarinn ekki annað en bent á punktinn. Vincenzo Grifo skoraði af öryggi og gaf markið honum greinilega mikinn kraft því tveimur mínútum síðar tvöfaldaði hann forystuna.
Lætin voru langt í frá búin. Union fékk vítaspyrnu á 8. mínútu og gat komið sér inn í leikinn en vítaspyrna Robin Knoche hafnaði í stönginni.
Hvernig gat vont versnað fyrir Union? Jú, níu mínútum síðar var Diogo Leite, varnarmaður liðsins, rekinn af velli eftir að hann togaði sóknarmann Freiburg niður í teignum. Rautt spjald og vítaspyrna. Grifo fór aftur á punktinn og skoraði þriðja mark sitt.
Michael Gregoritsch gerði fjórða markið undir lok fyrri hálfleiks. Union náði sárabótamarki fimm mínútum fyrir leikslok en þá nýtti Sven Michel vítaspyrnu sína. Lokatölur 4-1 fyrir Freiburg sem er í 2. sæti með 30 stig en Union með 27 stig í 5. sæti.
Mainz gerði þá 1-1 jafntefli við Eintracht Frankfurt. Jonathan Burkhardt kom heimamönnum í Mainz yfir undir lok fyrri hálfleiks en Randal Kolo Muani sá til þess að Frankfurt færi ekki tómhent heim og tryggði stigið með marki á 67. mínútu.
Freiburg 4 - 1 Union Berlin
1-0 Vincenzo Grifo ('4 , víti)
2-0 Vincenzo Grifo ('6 )
2-0 Robin Knoche ('10 , Misnotað víti)
3-0 Vincenzo Grifo ('20 , víti)
4-0 Michael Gregoritsch ('45 )
4-1 Sven Michel ('85 , víti)
Rautt spjald: Diogo Leite, Union Berlin ('19)
Mainz 1 - 1 Eintracht Frankfurt
1-0 Jonathan Michael Burkardt ('40 )
1-1 Randal Kolo Muani ('67 )
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 1 | 1 | 0 | 0 | 6 | 0 | +6 | 3 |
| 2 | Eintracht Frankfurt | 1 | 1 | 0 | 0 | 4 | 1 | +3 | 3 |
| 3 | Augsburg | 1 | 1 | 0 | 0 | 3 | 1 | +2 | 3 |
| 4 | Wolfsburg | 1 | 1 | 0 | 0 | 3 | 1 | +2 | 3 |
| 5 | Hoffenheim | 1 | 1 | 0 | 0 | 2 | 1 | +1 | 3 |
| 6 | Union Berlin | 1 | 1 | 0 | 0 | 2 | 1 | +1 | 3 |
| 7 | Dortmund | 1 | 0 | 1 | 0 | 3 | 3 | 0 | 1 |
| 8 | St. Pauli | 1 | 0 | 1 | 0 | 3 | 3 | 0 | 1 |
| 9 | Gladbach | 0 | 0 | 0 | 0 | 0 | 0 | 0 | 0 |
| 10 | Hamburger | 0 | 0 | 0 | 0 | 0 | 0 | 0 | 0 |
| 11 | Köln | 0 | 0 | 0 | 0 | 0 | 0 | 0 | 0 |
| 12 | Mainz | 0 | 0 | 0 | 0 | 0 | 0 | 0 | 0 |
| 13 | Leverkusen | 1 | 0 | 0 | 1 | 1 | 2 | -1 | 0 |
| 14 | Stuttgart | 1 | 0 | 0 | 1 | 1 | 2 | -1 | 0 |
| 15 | Freiburg | 1 | 0 | 0 | 1 | 1 | 3 | -2 | 0 |
| 16 | Heidenheim | 1 | 0 | 0 | 1 | 1 | 3 | -2 | 0 |
| 17 | Werder | 1 | 0 | 0 | 1 | 1 | 4 | -3 | 0 |
| 18 | RB Leipzig | 1 | 0 | 0 | 1 | 0 | 6 | -6 | 0 |
Athugasemdir
