Arnar Grétarsson, þjálfari KA, mun ekki framlengja samning sinn hjá liðinu eftir að tímabilinu lýkur. Þetta segir Guðmundur Benediktsson í Pepsi Max stúkunni á Stöð2Sport nú í kvöld.
Óli Stefán Flóventsson var rekinn frá KA fyrr í sumar eftir erfiða byrjun og tók Arnar við skútunni. Hann vann sinn fyrsta leik gegn Gróttu á heimavelli en í kjölfarið komu fimm jafntefli úr næstu sex leikjum.
Guðmundur Benediktsson segir að Arnar hefði sagt forráðamönnum KA frá því að hann muni ekki halda áfram með liðið.
KA vann Fylki í gær og er liðið núna í 10. sæti deildarinnar, sjö stigum frá fallsæti.
Athugasemdir