8-liða úrslit deildabikars kvenna fóru fram á Englandi í dag þar sem fjögur stærstu liðin eru öll komin áfram í undanúrslit.
Chelsea rúllaði yfir Liverpool með níu mörkum gegn einu, þar sem Sam Kerr setti tvennu í fyrri hálfleik og Johanna Rytting Kaneryd skoraði þrjú í þeim síðari.
Guro Reiten lagði þrjú mörk upp í fyrri hálfleiknum.
Chelsea mætir Manchester City í risaslag í undanúrslitum, eftir að Man City fór létt með West Ham í dag.
Kerolin, Lauren Hemp, Grace Clinton, Khadija Shaw og Laura Coombs deildu mörkunum á milli sín, þar sem Hemp og Clinton áttu einnig stoðsendingar í auðveldum sigri. Lokatölur 1-5.
Arsenal og Manchester United eigast við í hinum undanúrslitaleiknum eftir sigra gegn Crystal Palace og Tottenham í dag.
Laia Codina og Stina Blackstenius skoruðu mörk Arsenal í Lundúnaslag gegn Palace.
Man Utd lenti undir gegn Tottenham en náði að koma til baka með tveimur mörkum í síðari hálfleik.
Liverpool 1 - 9 Chelsea
West Ham 1 - 5 Man City
Man Utd 2 - 1 Tottenham
Crystal Palace 0 - 2 Arsenal
Athugasemdir
