Ísak lék allan leikinn í dag.
Uppselt var á vellinum í dag eins og venjulega, 50 þúsund áhorfendur, en það voru kaflar þar sem enginn lét í sér heyra.
„Gríðarlega svekkjandi að tapa þessum leik, leiðinlegt að klára árið svona, þetta var akkúrat leikurinn sem Union vildi, ég sagði við þig í gær að þeir spila marga langa bolta og væru góðir í föstum leikatriðum, þeir skora úr einu svoleiðis. Við höfum fengið á okkur 14 mörk úr föstum leikatriðum, þannig við erum ekki nógu góðir þar, það er nokkuð ljóst," sagði Ísak Bergmann Jóhannesson við Fótbolta.net eftir leik 1. FC Köln og Union Berlin í þýsku Bundesliga í dag. Spilað var á RheinEnergieStadion í Köln.
Sigurmarkið skoraði Andras Schäfer á fyrstu mínútu uppbótartíma, fékk boltann fyrir utan teig eftir hornspyrnu og hitti boltann vel.
Sigurmarkið skoraði Andras Schäfer á fyrstu mínútu uppbótartíma, fékk boltann fyrir utan teig eftir hornspyrnu og hitti boltann vel.
Tæpum tíu mínútum fyrir markið fékk Rav van den Berg í liði Köln að líta rauða spjaldið fyrir stöðva boltann með höndinni, Union var í sókn og leikmaður gestanna hefði verið í kjörstöðu ef boltinn hefði ekki verið stoppaður.
„Úti á velli hélt ég að þetta væri ekki rautt en svo þegar ég sá þetta aftur þá er þetta pjúra rautt held ég."
Stemningin stærstan part leiksins var mjög mikil, en það voru kaflar; fyrsti stundarfjórðungurinn og eftir miðbik seinni hálfleiks, þar sem nánast algjör þögn var í stúkunum. Ástæðan fyrir þögninni var sú að stuðningsmaður liðsins var hætt kominn og á meðan óvissa ríkti um heilsu hans var ekkert sungið. Þegar í ljós kom að stuðningsmaðurinn væri úr hættu þá hófst stanslaus söngur út hálfleikinn.
Ísak, sem var í sóknarsinnuðu hlutverki í leiknum, var sáttur með eigin frammistöðu en sagði að sér væri í raun alveg sama því leikurinn tapaðist.
Leikurinn í dag var sjötti leikurinn án sigurs. Nýliðar Köln eru í 11. sæti deildarinnar, fimm stigum fyrir ofan fallsvæðið.
„Það er bæði gott og slæmt að fara í frí núna, getum svolítið núllstillt okkur. Erum í 11. sæti, pakki af liðum með 16 stig eins og við og svo eru lið með 11 stig þarna niðri, þannig þetta er ekkert það slæmt. En að fara í frí eftir þennan kafla gerir þetta kannski aðeins verra, þurfum að koma sterkir til baka," sagði Ísak.
Viðtalið má sjá í spilaranum efst.
Stöðutaflan
Þýskaland
Bundesliga - karlar
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 27 | 22 | 4 | 1 | 97 | 25 | +72 | 70 |
| 2 | Dortmund | 27 | 18 | 7 | 2 | 58 | 28 | +30 | 61 |
| 3 | Stuttgart | 27 | 16 | 5 | 6 | 56 | 36 | +20 | 53 |
| 4 | RB Leipzig | 27 | 15 | 5 | 7 | 53 | 35 | +18 | 50 |
| 5 | Hoffenheim | 27 | 15 | 5 | 7 | 54 | 39 | +15 | 50 |
| 6 | Leverkusen | 27 | 13 | 7 | 7 | 52 | 36 | +16 | 46 |
| 7 | Frankfurt | 27 | 10 | 8 | 9 | 50 | 51 | -1 | 38 |
| 8 | Freiburg | 27 | 10 | 7 | 10 | 39 | 44 | -5 | 37 |
| 9 | Union Berlin | 27 | 8 | 7 | 12 | 31 | 46 | -15 | 31 |
| 10 | Augsburg | 27 | 9 | 4 | 14 | 33 | 50 | -17 | 31 |
| 11 | Mainz | 27 | 7 | 9 | 11 | 33 | 42 | -9 | 30 |
| 12 | Hamburger | 27 | 7 | 9 | 11 | 31 | 40 | -9 | 30 |
| 13 | Gladbach | 27 | 7 | 8 | 12 | 33 | 46 | -13 | 29 |
| 14 | Werder | 27 | 7 | 7 | 13 | 30 | 47 | -17 | 28 |
| 15 | Köln | 27 | 6 | 8 | 13 | 38 | 47 | -9 | 26 |
| 16 | St. Pauli | 27 | 6 | 6 | 15 | 24 | 44 | -20 | 24 |
| 17 | Wolfsburg | 27 | 5 | 6 | 16 | 35 | 57 | -22 | 21 |
| 18 | Heidenheim | 27 | 3 | 6 | 18 | 27 | 61 | -34 | 15 |
Athugasemdir
