Dunk hefur leikið 6 landsleiki fyrir England.
Brighton er búið að virkja ákvæði til að framlengja samning varnarmannsins Lewis Dunk um eitt ár.
Samningur Dunk rennur núna út sumarið 2027, en hann er 34 ára gamall og hefur verið fyrirliði Brighton síðustu sex ár.
Ákvæðið um að framlengja samning Dunk virkjaðist sjálfkrafa þegar hann spilaði gegn Liverpool um síðustu helgi. Hann var þá búinn að spila nægilegt magn leikja til að vinna sér inn framlengingu samkvæmt samningi sínum við félagið.
Dunk hefur verið í byrjunarliði Brighton í öllum úrvalsdeildarleikjum tímabilsins nema einum. Hann verður þó ekki með gegn Sunderland í dag vegna leikbanns.
Dunk hefur spilað yfir 500 keppnisleiki fyrir Brighton og er næstleikjahæstur í sögu félagsins.
Athugasemdir
