Lærlingar Unai Emery hafa verið í miklu stuði á fyrri hluta tímabils og eru búnir að vinna níu leiki í röð í öllum keppnum. Villa situr í þriðja sæti úrvalsdeildarinnar með 33 stig eftir 16 umferðir, sex stigum á eftir toppliði Arsenal og með leik til góða.

Villa lagði topplið Arsenal að velli fyrir tveimur vikum og mæta leikmenn liðsins til leiks með fullt sjálfstraust í dag. Man Utd hefur verið að sýna skýr batamerki og verður áhugavert að fylgjast með þessari viðureign.

United er í sjöunda sæti með 26 stig sem stendur, sjö stigum á eftir Aston Villa.

Tyrone Mings, Pau Torres og Ross Barkley eru á meiðslalista heimamanna en Evann Guessand verður ekki með útaf Afríkumótinu og þá má Jadon Sancho ekki spila gegn Man Utd útaf ákvæði í lánssamningi. Harvey Elliott er tæpur vegna veikinda en Emiliano Martínez verður líklega á milli stanganna eftir að hafa verið frá keppni þrjá af síðustu fjórum leikjum liðsins.

Harry Maguire og Matthijs De Ligt eru meiddir í röðum Rauðu djöflanna á meðan Casemiro er í leikbanni. Amad Diallo, Bryan Mbeumo og Noussair Mazraoui eru á Afríkumótinu.

Leikur dagsins
16:30 Aston Villa - Man Utd