Þróttur Vogum hefur fengið liðsstyrk fyrir komandi tímabil í 2. deildinni.
Goran Potkozarac er genginn til liðs við félagið en hann er með yfir 100 keppnisleiki að baki hér á landi.
Goran kemur úr röðum Kormáks/Hvatar þar sem hann hefur leikið síðastliðin fjögur ár, en þar áður var hann hjá Ægi í Þorlákshöfn.
Goran er 32 ára miðjumaður og hefur verið einn af allra bestu leikmönnum Kormáks/Hvatar á dvöl sinni á Húnaþingi.
„Þróttarafjölskyldan er í skýjunum og hlakkar til að taka vel á móti honum þegar æfingar hefjast á nýju ári," segir meðal annars í tilkynningu frá Vogamönnum.
Þróttur endaði í þriðja sæti í 2. deild á árinu, aðeins tveimur stigum frá eftirsóttu sæti í Lengjudeildinni.
Athugasemdir
