Real Madrid og Liverpool eru að gera markalaust jafntefli í hálfleik í 16-liða úrslitum Meistaradeildar Evrópu. Það stefnir ekki í kraftaverk hjá enska liðinu.
Real Madrid hefur skapað sér nokkra góða sénsa. Eduardo Camavinga átti gott skot í slá og þá varði Alisson vel frá Vinicius Junior.
Darwin Nunez átti besta færi Liverpool en Thibaut Courtois gerði vel í markinu.
Það er ekkert kraftaverk í spilunum eins og er. Liverpool þarf þrjú mörk til að komast í framlengingu.
Napoli er að vinna Eintracht Frankfurt 1-0. Victor Osimhen gerði mark Napoli. Ítalska liðið að sigla örugglega inn í 8-liða úrslit.
Real Madrid 0 - 0 Liverpool
Napoli 1 - 0 Eintracht Frankfurt
1-0 Victor Osimhen ('45 )
Athugasemdir