„Þetta hljómaði eins og spennandi tilboð, en á endanum var það ekki jafn spennandi og það hljómaði, forsendurnar voru öðruvísi en búist var við eins og kom fram í fréttinni í gær. Breiðablik og Kristófer ákváðu þá í sameiningu að hann myndi leika áfram með Breiðabliki," sagði Karl.

Kristófer er 24 ára gamall sóknarmaður sem gekk í raðir Breiðabliks í sumarglugganum í fyrra. Hann kom við sögu í sex leikjum með Breiðabliki í Bestu deildinni í fyrra, í einum leik í forkeppni Sambandsdeildarinnar og svo þremur í riðlakeppni Sambansdeildarinnar. Hann glímdi við meiðsli sem komu í veg fyrir að hann spilaði meira. Í leikjunum tíu skoraði hann tvö mörk.

Samningur Kristófers við Breiðablik gildir út tímabilið 2024.