Emilía Kiær Ásgeirsdóttir var á skotskónum þegar Leipzig tapaði gegn Hoffenheim í þýsku deildinni í dag. Hún jafnaði metin í 1-1 en leiknum lauk með 3-2 sigri Hoffenheim.
Emilía hefur verið á miklu skriði en hún skoraði fyrir landsliðið í 3-0 sigri gegn Norður-Írlandi í lok október. Síðan þá hefur hún skorað fjögur mörk og lagt upp eitt fyrir Leipzig.
Emilía hefur verið á miklu skriði en hún skoraði fyrir landsliðið í 3-0 sigri gegn Norður-Írlandi í lok október. Síðan þá hefur hún skorað fjögur mörk og lagt upp eitt fyrir Leipzig.
Liðið hefur tapað fimm leikjum í röð, þar af fjórum í deildinni og situr í 10. sæti með 13 stig eftir 13 umferðir. Sandra María Jessen var í byrjunarliði Köln sem tapaði 1-0 gegn Jena. Köln er í 8. sæti með 18 stig.
Glódís Perla Viggósdóttir var ónotaður varamaður þegar Bayern rúllaði yfir HSV 6-0. Bayern er á toppnum með 37 stig.
Athugasemdir
