Borussia Dortmund fékk Bellingham frá Birmingham fyrir tveimur árum og hefur hann vaxið mikið síðan þá.

Í dag er hann fastamaður á miðsvæðinu og þykir með allra bestu miðjumönnum heims.

Stærstu lið heims munu berjast um hann á næsta ári en Shaw, sem er liðsfélagi hans í enska landsliðinu, hefur aldrei séð annað eins.

„Sá leikmaður sem hefur komið mér mest á óvart síðan hann kom inn er Jude. Hann getur gert allt á miðsvæðinu. Jude getur borið boltann upp völlinn, sent hann og er agressífur. Hann er með allan pakkann. Fyrst þegar ég sá hann á æfingu með landsliðinu þá hugsaði ég að þessi gaur ætti eftir að verða góður og þá leit hann út fyrir að vera fullorðinn,“ sagði Shaw í Lion's Den.