Anthony Gordon
Englendingurinn Anthony Gordon tók met af einhverjum besta framherja í sögu Newcastle United, Alan Shearer, í 3-0 sigri liðsins á PSV í Meistaradeildinni í gær.
Gordon skoraði annað mark Newcastle í leiknum sem var hans sjötta í keppninni á þessu tímabili.
Yoane Wissa las leikinn vel er varnarmaður PSV missti boltann frá sér og tæklaði hann til Gordon sem skoraði.
Markið hans Gordon jafnaði besta árangur Shearer með Newcastle í keppninni, en hann skoraði sex mörk í keppninni með liðinu. Hins vegar tókst Gordon að taka eitt met af Shearer en hann hefur nú komið að átta mörkum í keppninni á þessu tímabili.
Shearer kom að sjö mörkum í Meistaradeildinni tímabilið 2002-2003 og því mikill heiður fyrir Gordon að taka metið af ensku goðsögninni.
Newcastle er í 7. sæti Meistaradeildarinnar með 13 stig, en efstu átta liðin fara beint í 16-liða úrslitin. Það bíður þó þeirra erfiður andstæðingur í lokaumferðinni en Newcastle þarf að heimsækja Evrópumeistara Paris Saint-Germain í París. Liðin eru hlið við hlið á töflunni og gæti tapliðið mögulega þurft að fara í umspilið.
Athugasemdir
