Miðjumaðurinn James Ward-Prowse gæti verið á förum frá West Ham fyrir gluggalok en hann er orðaður við nýliða Burnley á láni út tímabilið.
Englendingurinn er ekki í plönum West Ham og hefur verið tjáð að hann megi yfirgefa félagið.
Ward-Prowse er 31 árs gamall og talinn einn besti aukaspyrnusérfræðingur sinnar kynslóðar.
Hann er samningsbundinn West Ham til 2027 en Sky segir það líklegt að hann fari frá félaginu á láni í þessum glugga og er Burnley sagður líklegasti áfangastaður hans.
Burnley er að skoða markaðinn eftir að Josh Cullen sleit krossband í leik gegn Everton í síðasta mánuði. Félagið vill helst fá leikmann með reynslu úr ensku úrvalsdeildinni.
Nýliðarnir eru í næst neðsta sæti deildarinnar með 14 stig.
Athugasemdir
