banner
   lau 19. nóvember 2022 06:00
Brynjar Ingi Erluson
Sigurður Donys ráðinn þjálfari Samherja
Sigurður Donys Sigurðsson
Sigurður Donys Sigurðsson
Mynd: Fótbolti.net - Einar Ásgeirsson
Sigurður Donys Sigurðsson er nýr þjálfari Samherja í 5. deild karla en hann tekur við keflinu af Sinisa Pavlica.

Pavlica lét af störfum eftir tímabilið en hann tryggði Samherja í 5. deildina eftir að hafa unnið umspilið gegn Álafossi.

Sigurður Donys tekur við liðinu af honum en hann þekkir ágætlega til enda spilaði hann með Samherja í sumar.

Hann lék 12 leiki og skoraði 1 mark í E-riðli 4. deildar karla.

Donni var spilandi þjálfari hjá Uppsveitum á síðasta ári en hann á ansi öflugan feril í neðri deildunum.

Hann hefur stærstan hluta ferilsins spilað fyrir Einherja en einnig leikið fyrir Leikni F, Hött, Þór, Skallagrím, Huginn og KF.
Athugasemdir
banner
banner