Björn Daníel lagði upp fyrra mark FH og skoraði seinna
Sigurður BJartur skoraði fyrra mark FH
FH 2 - 0 Vestri
1-0 Sigurður Bjartur Hallsson ('32 )
2-0 Björn Daníel Sverrisson ('48 )
Lestu um leikinn
1-0 Sigurður Bjartur Hallsson ('32 )
2-0 Björn Daníel Sverrisson ('48 )
Lestu um leikinn
FH-ingar eru komnir aftur á sigurbraut í Bestu deild karla eftir að hafa unnið Vestra, 2-0, í Kaplakrika í dag.
Hafnfirðingar höfðu farið í gegnum þrjá leiki án þess að vinna og almennt átt slaka byrjun á tímabilinu.
Ekki var mikið um að vera í leiknum fyrsta hálftímann. Ísak Óli Ólafsson átti líklega besta færi er hann stangaði fyrirgjöf Tómasar Orra Róbertssonar yfir markið eftir um átta mínútna leik.
Það dró til tíðinda á 35. mínútu er Sigurður Bjartur Hallsson skoraði laglegt mark. Björn Daníel Sverrisson tók hratt innkast á Sigurð sem lyfti boltanum yfir varnarmann og hamraði honum í netið.
Leikurinn hafði verið fremur leiðinlegur fram að markinu en það lifnaði yfir honum eftir markið.
Diego Montiel átti hörkuskot á Mathias Rosenörn sem gerði mjög vel í að verja.
Staðan í hálfleik 1-0 fyrir FH og bættu heimamenn við strax í byrjun síðari.
FH-ingar fengu hornspyrnu sem Guy Smit blakaði frá og áfram hélt sóknin. Kjartan Kári Halldórsson kom með sendingu inn á teiginn á Björn Daníel sem hafði nægt pláss til þess að athafna sig og stangaði boltann örugglega í netið.
Sjö mínútum fyrir leikslok gátu FH-ingar gert út um leikinn er Bjarni Guðjón Brynjólfsson lagði boltann inn fyrir á Úlf Ágúst Björnsson en Smit sá við honum með góðri vörslu og tveimur mínútum síðar skaut Einar Karl Ingvarsson boltanum í þverslá.
Færanýitingin í restina kom ekki að sök og unnu FH-ingar nokkuð sannfærandi 2-0 sigur á toppbaráttuliði Vestra. FH stekkur upp um fjögur sæti á töflunni og eru nú í því sjöunda með 14 stig en Vestri áfram í 3. sæti með 19 stig.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
