Yfirlýsing frá Ronaldo: Ég elska Manchester United
Ronaldo hefur aðeins gert 3 mörk í 16 leikjum á tímabilinu en á síðustu leiktíð skoraði hann 24 í 38 leikjum.
Mynd: EPA
Ronaldo hefur aðeins gert 3 mörk í 16 leikjum á tímabilinu en á síðustu leiktíð skoraði hann 24 í 38 leikjum.
Mynd: EPA
Cristiano Ronaldo er búinn að gefa frá sér stutta yfirlýsingu eftir tilkynninguna um að dvöl hans hjá Manchester United sé lokið.
Ronaldo lenti upp á kant við nýjan knattspyrnustjóra Man Utd, Erik ten Hag, og leysti frá skjóðunni í ítarlegu viðtali við fréttamanninn Piers Morgan.
Ronaldo fór víðan völl í viðtalinu og gagnrýndi Man Utd harkalega, hann hraunaði yfir stjórann, liðsfélagana og stjórnendur. Þetta viðtal fór ekki vel í marga stuðningsmenn Man Utd, stjórnendur félagsins eða liðsfélaga hans og ljóst að portúgalska stórstjarnan átti ekki afturkvæmt til félagsins.
„Eftir viðræður við Manchester United höfum við ákveðið að binda enda á samninginn okkar á milli," sagði Ronaldo.
„Ég elska Manchester United og stuðningsmenn félagsins, það mun aldrei breytast. Þetta er rétti tíminn til að leita mér að nýrri áskorun. Ég óska Man Utd alls hins besta."
Premier league - karlar
| # | Lið | L | mun | Stig |
|---|---|---|---|---|
| 1 | Man City | 8 | +11 | 21 |
| 2 | Arsenal | 8 | +8 | 21 |
| 3 | Brighton | 7 | +18 | 16 |
| 4 | Chelsea | 8 | +3 | 13 |
| 5 | Liverpool | 7 | +1 | 12 |
| 6 | Aston Villa | 8 | -3 | 11 |
| 7 | Brentford | 7 | +5 | 10 |
| 8 | Leeds | 7 | +3 | 10 |
| 9 | Everton | 8 | -1 | 10 |
| 10 | Ipswich Town | 8 | -4 | 10 |
| 11 | Hull City | 7 | +1 | 9 |
| 12 | Tottenham | 8 | -3 | 9 |
| 13 | Fulham | 8 | -2 | 8 |
| 14 | Newcastle | 7 | -4 | 8 |
| 15 | Man Utd | 7 | 0 | 7 |
| 16 | Crystal Palace | 7 | -8 | 7 |
| 17 | Bournemouth | 7 | -4 | 6 |
| 18 | Nott. Forest | 8 | -4 | 6 |
| 19 | Coventry | 8 | -9 | 6 |
| 20 | Sunderland | 7 | -8 | 4 |
