Mikael Ishak og Águst Orri Þorsteinsson í leiknum í gær.
Póllandsmeistararnir í Lech Poznan ætluðu að biðja um að deildarleik liðsins um komandi helgi yrði frestað svo liðið fengi betri undirbúning fyrir seinni leikinn gegn Íslandsmeisturum Breiðabliks í forkeppni Sambandsdeildarinnar.
En eftir að hafa slátrað Blikum 7-1 í fyrri leiknum í gær eru þeir hættir við að biðja um frestunina enda liðið nánast komið í næstu umferð.
En eftir að hafa slátrað Blikum 7-1 í fyrri leiknum í gær eru þeir hættir við að biðja um frestunina enda liðið nánast komið í næstu umferð.
Lestu um leikinn: Lech Poznan 7 - 1 Breiðablik
„Beint eftir leikinn tókum við ákvörðun um að láta ekki fresta deildarleiknum. Seinni leikurinn gegn Breiðabliki er eftir en ansi mikið þarf að gerast svo við dettum úr leik," sagði Niels Frederiksen, þjálfari Lech Poznan, á fréttamannafundi eftir leikinn í gær.
„Þetta var framúrskarandi leikur hjá mínum mönnum og flottur sigur. VAR myndbandsdómgæslan hafði mikil áhrif en við vorum án nokkurs vafa betra liðið. Við ætluðum að pressa hátt, keyra upp tempóið og þvinga andstæðingana í að gera mistök. Það gekk upp."
Seinni leikur Breiðabliks og Lech verður í næstu viku. Það er allt útlit fyrir að Blikar mæti Zrinjski Mostar frá Bosníu & Hersegóvínu næst í forkeppni Evrópudeildarinnar.
Athugasemdir
