Fótbolti.net

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

Bjarni Guðjón: Það er gaman að vera Þórsari í dag

„Fullyrði að ekki nokkur leikmaður hefur bætt sig jafn mikið eftir þrítugt"

Rúnar: Þá tekur þú ekki besta leikmanninn í liðinu útaf

Hallgrímur Mar: Getum engum öðrum en sjálfum okkur um kennt

Heimir: Þeir voru að svæfa leikinn og komust upp með það

Jón Daði: Þarf að komast í burtu frá fótbolta og hreinsa hugan

mán 21. júlí 2025 20:25

Jóhann Þór Hólmgrímsson

Reynir Haralds: Ástríðan farin að minnka og vildi klára hringinn heima

Mynd: Fótbolti.net - Hafliði Breiðfjörð

Reynir Haraldsson gekk til liðs við ÍR frá Fjölni í dag. Reynir er uppalinn ÍR-ingur en hann gekk til liðs við Fjölni árið 2022. Fótbolti.net ræddi við hann í dag.

„Ég vissi af áhuga rétt fyrir Íslandsmótið, kemst ekki hjá því að heyra það sem er í gangi hérna með alla mína bestu félaga í kringum klúbbinn. Maður heyrði að þeir sendu fyrirspurn á Fjölni rétt fyrir gluggalok,"

„Maður íhugaði að hætta eftir tímabilið og þá fór það að kikka svolítið hart inn að vilja klára þetta heima og ákvað að sækjast eftir því."

Reynir fór á fund með Fjölni í dag og fljótlega eftir það gengu félagaskiptin í gegn.

„Þetta eru allt topp menn. Gunni Már er mikill Fjölnismaður og hann skildi mig að miklu leyti að vilja klára þetta heima og klára hringinn hérna. Þetta eru allt heiðursmenn þannig ég ákvað að vera opinn með það sem ég vildi og það gekk mjög vel og ég er mjög þakklátur fyrir það," sagði Reynir.

Það hefur verið erfitt að mæta ÍR undanfarin ár.

„Það er búið að vera full erfitt fyrir minn smekk. Maður náði að setja það til hliðar í þessar 90 mínútur en að koma hingað var aðeins of skrítið. Að eiga ekki eftir að spila á móti ÍR er smá huggun."

Hann hefur íhugað að hætta eftir tímabilið til að eyða meiri tíma börnunum sínum.

„Ástríðan hefur aðeins farið að dvína. Svo er smá partur af því að vilja klára þetta hérna með hjartanu og stemningunni og vilja hjálpa félaginu mínu að komast upp."

Hvað ef ÍR kemst upp í Bestu deildina?

„Þá á ég mjög erfitt samtal við konuna mína framundan. Ég átti samband við eldri bróður minn eftir að ég átti samtal við Fjölni í hádeginu. Hann sagði ef ÍR kemst upp þá banna ég þér að hætta. Ég held ég megi ekki hætta," sagði Reynir léttur.

Reynir er að koma inn í góðan hóp.

„Þetta er mjög góð blanda af týpum og strákum. Ég talaði við Alla Kostic vin minn í dag, hann sagði að menn fá að vera týpurnar sem þeir eru. Þetta er keyrt áfram af góðum mönnum einis og Alla og Marc (McAusland). Stemningin í kringum klúbbinn eins og með stuðningsmenn. Það er spíta í umgjörðina, þetta helst allt í hendur."