Ísak Snær Þorvaldsson var ekki lengi að stimpla sig inn hjá Lyngby en hann kom til danska félagsins á láni frá Rosenborg fyrir einni og hálfri viku síðan.
Fyrsta umferðin í dönsku 1. deildinni fór fram um helgina og heimsótti Lyngby, sem féll úr úrvalsdeildinni í vor, lið Esbjerg.
Fyrsta umferðin í dönsku 1. deildinni fór fram um helgina og heimsótti Lyngby, sem féll úr úrvalsdeildinni í vor, lið Esbjerg.
Ísak byrjaði á bekknum en kom inn á eftir rúmlega klukkutíma leik og á 88. mínútu innsiglaði hann 0-2 útisigur.
Esbjerg var í leit að jöfnunarmarki og Ísak var tilbúinn þegar það kom langur bolti fram úr vítateig Lyngby. Ísak var fyrstur að boltanum, lyfti honum svo yfir varnarmann sem kom á sprettinum, tók eina snertingu í viðbót áður en hann svo skoraði. Markið má sjá í spilaranum hér að neðan sem og viðtal sem tekið var við hann eftir leikinn.
Athugasemdir
