Það fóru nokkrir æfingaleikir fram hjá stórliðum úr evrópska boltanum í dag þar sem Kevin De Bruyne var í byrjunarliði Ítalíumeistara Napoli sem töpuðu óvænt gegn C-deildarliði Arezzo.
Napoli mætti til leiks með sterkt byrjunarlið en það dugði ekki til gegn Arezzo.
Nýju leikmennirnir Lorenzo Lucca, Noa Lang og Luca Marianucci voru í byrjunarliðinu ásamt Zambo Anguissa og Giovanni Di Lorenzo en þeim tókst ekki að koma í veg fyrir tap.
Þetta var fyrsti opinberi æfingaleikur Napoli á undirbúningstímabilinu en liðið á framundan leiki við Catanzaro, Brest, Girona og Olympiakos áður en nýtt deildartímabil hefst.
Nico Williams var þá meðal byrjunarliðsmanna hjá Athletic Bilbao sem tapaði æfingaleik gegn Alavés. Mamadou Diallo Selu kom inn af bekknum í hálfleik og skoraði eina mark leiksins stuttu eftir innkomuna af bekknum.
Villarreal gerði þá jafntefli við svissneska félagið St. Gallen á meðan Blackburn rúllaði yfir Qatar SC. Japaninn Yuki Ohashi var atkvæðamestur í sigri Blackburn með tvennu.
Celta Vigo sigraði að lokum æfingaleik gegn Nacional frá Portúgal á meðan Strasbourg, systurfélag Chelsea, hafði betur gegn Nancy.
Napoli 0 - 2 Arezzo
Alaves 1 - 0 Athletic Bilbao
St. Gallen 2 - 2 Villarreal
Qatar SC 1 - 5 Blackburn
Nancy 1 - 2 Strasbourg
Celta Vigo 2 - 0 Nacional
Athugasemdir
