Þjóðadeild kvenna í dag - Stelpurnar heimsækja Þýskaland

Ísland er með þrjú stig eftir nauman sigur á heimavelli gegn Wales í fyrstu umferð, en Þýskaland byrjaði á tapi í Danmörku og munu þær þýsku því mæta grimmar til leiks.

Leikurinn hefst klukkan 16:15 og verður sýndur í beinni útsendingu á RÚV. Eftir að íslenska leiknum lýkur á Wales heimaleik gegn Danmörku.

Þá eru ýmsir stórleikir á dagskrá í Þjóðadeildinni, þar sem Ítalía spilar við Svíþjóð áður en Frakkland heimsækir Austurríki.

Portúgal og Noregur eigast svo við skömmu áður en einn af stærri leikjum kvöldsins hefst, þegar Evrópumeistarar Englands heimsækja sterkt lið Hollands.

Skotland tekur svo á móti Belgíu áður en heimsmeistarar Spánverja eiga heimaleik við Sviss.

Riðill 3:
16:15 Þýskaland-Ísland (Ruhrstadion)
18:15 Wales-Danmörk (Cardiff City Stadium)

Riðill 1:
18:00 Holland - England
18:45 Skotland - Belgía 

Riðill 2:
16:30 Austurríki - Frakkland
17:15 Portúgal - Noregur 

Riðill 4:
15:45 Ítalía - Svíþjóð
19:00 Spánn - Sviss