Breiðablik mun taka þátt í sérstöku umspili um að komast í forkeppni í Meistaradeildinni í ár, líkt og Víkingar gerðu í fyrra. Annað árið í röð verður umspilið haldið á Íslandi - á Kópavogsvelli.
Í umspilinu í fyrra spilaði Víkingur gegn Levadia Tallinn frá Eistlandi og Inter Escaldes frá Andorra. Víkingar unnu 6-1 sigur gegn Levadia og svo 1-0 sigur á Inter í úrslitaleiknum.
Í ár verða það meistararnir frá Íslandi, Svartfjallalandi, Andorra og San Marínó sem taka þátt í umspilinu.
Inter Escaldes, sem tók þátt í umspilinu í fyrra, segir frá því á Twitter að umspilið fari aftur fram á Íslandi í ár og verði spilað frá 27. til 30. júní. Þeir segja einnig frá því að það verði notað myndbandsdómarakerfi í leikjunum.
Sigurvegararnir í umspilinu fara í 1. umferð forkeppni Meistaradeildarinnar. Víkingur mættu sænska stórliðinu Malmö á því stigi keppninnar í fyrra.
Confirmat: Islàndia, un altre cop, acollirà la Ronda Preliminar de la @ChampionsLeague ????????
— Inter Club Escaldes (@interescaldes) March 28, 2023
La fase es jugarà entre el 27 i 30 de juny a Kópavogur i hi comptarà per primer cop amb el sistema VAR.
Hi tornarem? ??????#seremmés???????? #ChampionsLeague pic.twitter.com/48XnnWUPda
Athugasemdir